AKEP
Më 2 – 3 shkurt 2026, në Porto të Portugalisë, u zhvillua Samiti i Dytë Ndërkombëtar për Qëndrueshmërinë e Kabllove Nënujore, i organizuar nga Qeveria e Portugalisë me mbështetjen e ITU dhe ICPC, në vijim të Samitit të parë (Abuja, 2025). Samiti mblodhi mbi 320 pjesëmarrës nga më shumë se 70 vende, përfaqësues të qeverive, […]
Shiko dokumentin: Kliko këtu
Më 3 nëntor 2025, në Tiranë, u zhvillua Takimi Dialogues mbi reformat për zhvillimin e infrastrukturave digjitale dhe procesin e integrimit në Bashkimin Europian, me temë “Drejt një Shoqërie Gigabit”, organizuar nga Ministria e Infrastrukturës dhe Energjisë në bashkëpunim me Autoritetin e Komunikimeve Elektronike dhe Postare (AKEP). Pjesëmarrës në këtë takim ishin përfaqësues të institucioneve […]
Në seancën plenare të Kuvendit të Shqipërisë u miratua Rezoluta për Vlerësimin e Veprimtarisë së Autoritetit të Komunikimeve Elektronike dhe Postare (AKEP) për vitin 2024, pas shqyrtimit nga Komisioni për Burimet Natyrore, Infrastrukturën dhe Zhvillimin e Qëndrueshëm dhe Komisioni për Nismat Qytetare, Bashkëpunimin dhe Mbikëqyrjen Institucionale. Miratimi i raportit vjen pas prezantimit të detajuar të […]
Sot, në ambientet e Autoritetit të Komunikimeve Elektronike dhe Postare (AKEP) u zhvillua një takim me përfaqësues të PostEurop. Në këtë takim të pranishëm nga AKEP ishin z. Bleron Dokle, Anëtar i Këshillit Drejtues, z. Lorenc Bako, Anëtar i Këshillit Drejtues, dhe z. Gazmir Mani, Drejtor i Drejtorisë Rregullatore dhe Mbikëqyrjes së Tregut. PostEurop u […]
Autoriteti i Komunikimeve Elektronike dhe Postare (AKEP) zhvilloi një takim pune me ofruesit e shërbimit postar, ku në fokus ishte adresimi i sfidave aktuale të tregut dhe përcaktimin e masave konkrete për rritjen e transparencës, përmirësimin e cilësisë së shërbimeve dhe nxitjen e konkurrencës efektive në sektorin postar. AKEP u përfaqësua nga Kryetari i Autoritetit, […]
Autoriteti i Komunikimeve Elektronike dhe Postare (AKEP) zhvilloi sot një takim teknik me përfaqësues të ofruesve të shërbimeve të internetit (ISP), me qëllim identifikimin dhe adresimin e problematikave që lidhen me funksionimin e tregut të komunikimeve elektronike, si dhe ndërveprimin e operatorëve me infrastrukturën publike. Takimi u zhvillua në kuadër të bashkëpunimit institucional dhe përfshiu […]
NJOFTIM PËR SHTYP
Me vendimet nr. 29 dhe nr. 30, të datës 25 nëntor 2024, Këshilli Drejtues i AKEP-it miratoi dhënien e autorizimeve individuale për përdorimin e frekuencave në brezin 3,5 GHz për sipërmarrësit e komunikimeve elektronike ONE Albania sh.a dhe Vodafone Albania sh.a, duke i hapur kështu rrugën implementimit te teknologjisë 5G në vendin tonë.
Sipërmarrësi ONE Albania sh.a merr në përdorim 120 MHz në brezin e frekuencave 3420-3540 MHz (spektër i paçiftuar), ndërsa Vodafone Albania sh.a merr në përdorim po 120 MHz në brezin 3680-3800 MHz, spektër i paçiftuar.
Pajisja e sipërmarrësve me autorizimet individuale kryhet pas realizimit me sukses të tenderit publik me procedurë të hapur me objekt: “Mbi dhënien e të drejtave të përdorimit në brezin e frekuencave 3400 – 3800 MHz (3.5 GHz)” dhe pas shlyerjes, nga ana e sipërmarrrësve fitues, të pagesave përkatëse në buxhetin e shtetit dhe në llogarinë e AKEP-it.
Në përputhje me kushtet e Autorizimeve Individuale, sipërmarrësit janë të detyruar që, përmes këtyre frekuencave, të mbulojnë me shërbim 55% të popullsisë deri në fund të vitit 2027 dhe 85% të popullsisë deri në fund të vitit 2030. Brenda vitit 2025, sipërmarrësit kanë detyrimin të sigurojnë mbulimin e porteve, aeroporteve dhe disa hapësirave të tjera me rëndësi social-ekonomike. Mes kushteve të tjera të përdorimit të këtyre frekuencave, sipërmarrësit ONE Albania dhe Vodafone Albania marrin përsipër angazhimin që të negociojnë me sipërmarrës të tjerë, si operatorët virtualë (MVNO-të), aksesin në kapacitetet e tyre radio, në funksion të politikës rregullatore të AKEP-it për të nxitur konkurrencën në nivel shërbimesh.
Lançimi i teknologjisë 5G brenda këtij viti shënon një etapë kyçe për vendin tonë në përmbushjen e agjendës digjitale, sipas planit broadband të Këshillit të Ministrave dhe objektivave të Bashkimit Europian. Në dhënien e autorizimeve në brezin 3400-3800 MHz, njërin nga brezat pionerë të 5G-së, Shqipëria ka ndjekur nga afër ecurinë dhe ritmin e Bashkimit Europian, ku Mbretëria e Vendeve të Ulëta ishte shteti i fundit anëtar që akordoi në korrik të 2024-ës autorizimet e përdorimit në këtë brez.
AKEP-i mbetet i përkushtuar të vendosë sa më parë, në përdorim të sektorit të komunikimeve elektronike brezin 700MHz, brezin tjetër kryesor të 5G-së, pas lirimit të tij nga mediat audiovizuale, me synim mbulimin e plotë të territorit dhe të popullsisë me shërbim cilësor 5G.
NJOFTIM PËR ZHVILLIMIN E TENDERIT PUBLIK
Për dhënien e së drejtës së përdorimit të frekuencave 3400 Mhz – 3800 Mhz
Autoriteti i Komunikimeve Elektronike dhe Postare (AKEP), si organi rregullator në fushën e komunikimeve elektronike në Republikën e Shqipërisë, në përputhje me parashikimet e nenit 69, të ligjit nr. 9918, datë 19.5.2008, “Për Komunikimet Elektronike në Republikën e Shqipërisë”, i ndryshuar, Vendimin e Këshillit të Ministrave (VKM) nr. 1252, datë 10.9.2008, “Për miratimin e rregullave të zhvillimit të tenderit publik, për dhënien e të drejtës së përdorimit të frekuencave”, i ndryshuar, dhe Dokumentin-Shkresa nr. 4215/1 prot., datë 7.6.2024 (nr. 2264/24 prot., i AKEP, datë 11.6.2024) të Ministrit të Infrastrukturës dhe Energjisë si dhe Vendimin e Këshillit Drejtues të AKEP Nr.20, datë 27.08.2024 për “Miratimin e dokumentit të tenderit publik me procedurë të hapur me objekt “Dhënia e të drejtave të përdorimit në brezin e frekuencave 3400-3800 MHz”, hap tenderin:
Procedura e prokurimit: Procedurë e Hapur
Objekti: “Dhënia e të drejtave të përdorimit në brezin e frekuencave 3400-3800 MHz”
Referenca: AKEP/3400-3800MHz/2024
Afati për pranimin e ofertave: : 17/10/2024, ora 10:00
Adresa: Autoriteti i Komunikimeve Elektronike dhe Postare
Rruga: “Reshit Çollaku”
Tiranë – Shqipëri
Gjuha e ofertave: Shqip ose Anglisht
Informacione të mëtejshme: Dokumenti i Tenderit mund të shkarkohet në linkun e mëposhtëm